Gryta Camping

Eventyrleg vakkert ved Oldevatnet! Frå teltluka ser du rett på vatnet, brearmar og frodige vestlandsfjell. Her kan du slappe av og berre nyte ferien, langt unna hektiske kvardagar. Campingen er eit godt utgangspunkt for fine fjellturar i Oldedalen, og Yrineset, Briksdalsbreen, Loen Skylift, Stryn, Geiranger og Ålesund er berre ein svipptur unna. Vi har gratis båt, trøbåt og kano til alle våre gjester.

Camping

Campingen har 80 punkt for straum, og omlag 40 oppstillingsplassar utan straum. I tillegg har vi nokre plassar tilrettelagt for hengekøyer ved vatnet.

Hytter

Våre fem sjarmerande  hyttene vart renoverte i 2021 og har god standard. Hyttene har stove, fullt utstyrt kjøkenkrok, eit soverom med både enkle og doble køysenger, samt sovesofa i stova. Alle hyttene har eigen uteplass.

Hjerteleg velkomne til Gryta camping!